ASH-AAA: Noteri Naser Zyberi nuk e respekton gjuhën shqipe (VIDEO)

Të rinjtë e koalicionit Aleanca-Alternativa kanë akuzuar kandidatin e BDI-së për kryeministër, Naser Zyberi, se nuk respekton gjuhën shqipe në zyrën e noterisë së tij, shkruan gazeta LAJM. Ata kanë vendosur sot një mbishkrim në gjuhën shqipe, pasi thonë se emrin dhe mbiemeri i noterit Naser Zyberi ishte i shkruar vetëm në gjuhën maqedonase.
“Jemi sot këtu para zyrës së Noterit dhe kandidatit për kryeministër nga BDI-ja, Naser Zyberi, për të shpërfaqur hipoktizinë dhe kontradiktat të cilat i karakterizojnë të lartëpërmendurit në këtë fushatë zgjedhore. Përderisa Naser Zyberi dhe partia që ia përfaqëson mundohen të paraqesin veten si patriot të pashoq kemi ardhur këtu tek zyra e punës së Naser Zyberit për t’u dëshmuar me fakte nga zyra e tij që partia që Naser Zyberi përfaqëson është pikërisht ajo parti e cila nuk ia mundësoi Naser Zyberit të shkruaj emrin e tij në alfabetin shqip. Prandaj ai detyrohet që vulat dhe pllaketën e noterisë t’i shkruaj në alfabetin kirilik. Nga ana tjetër siç duket patriotizmi i Naser Zyberit është i lidhur vetëm për pozita dhe karrikën e kryeministrit dhe jo pas çështjeve shqiptare”, thanë një një konferencë për media përfaqësuesit e koalicionit Aleanca-Alternativa.