Një tentativë kontrabande është zbuluar në pikën kufitare të Bogorodicës, ku doganierët kanë sekuestruar 77 bizhuteri ari, me peshë 612 gramë dhe vlerë rreth 4 milionë denarë. Ari ishte fshehur brenda një jastëku për qafën, që e mbante me vete një shtetas i Maqedonisë së Veriut, udhëtar në autobusin e linjës Stamboll–Gostivar.
Sipas hetimeve paraprake, i dyshuari i kishte blerë bizhuteritë në Stamboll dhe synonte t’i fuste ilegalisht në vend për t’i shitur më pas në argjendarinë e tij. Bizhuteritë janë sekuestruar, ndërsa ndaj të dyshuarit është ngritur kallëzim penal për kontrabandë.
