Tre persona janë ndaluar në dy aksione të ndara policore në Tetovë dhe Gostivar, pasi gjatë kontrolleve tek ata janë gjetur lëndë që dyshohet se janë marihuanë dhe kokainë.
Në Gostivar, ekipi mobil i Task Force ka ndaluar një person, tek i cili gjatë kontrollit është gjetur marihuanë. I dyshuari është privuar nga liria dhe është dërguar në stacion policor.
Në një tjetër ndërhyrje në Tetovë, policia ka ndaluar dy persona. Gjatë kontrollit janë gjetur marihuanë dhe një substancë e bardhë pluhur, e cila dyshohet se është kokainë.
Lëndët e gjetura janë sekuestruar, ndërsa pas dokumentimit të plotë të rasteve, ndaj të ndaluarve do të parashtrohen kallëzimet përkatëse.
