Një 85-vjeçar nga fshati Zagraçan i Strugës është arrestuar nga policia, pasi dyshohet se ka shkaktuar qëllimisht një zjarr në hapësirë të hapur pranë fshatit.
Bëhet fjalë për A.M., i cili më 4 shtator, rreth orës 16:30, është ndaluar dhe arrestuar në rrugën lokale mes Zagraçanit dhe Dollna Belicës.
Sipas policisë, pak më herët, në zonën e njohur si „Lok“, ai dyshohet se kishte shkaktuar zjarr, ku ishte përfshirë bimësi e ulët.
Në vendngjarje kanë ndërhyrë ekipet e Njësisë Territoriale Kundër Zjarreve në Strugë, ndërsa fatmirësisht nuk raportohet për persona të lënduar.
