Një i burgosur në burgun e Idrizovës është denoncuar se ka kërcënuar partneren e tij jashtëmartesore dhe djalin e tyre, duke u dërguar mesazhe kërcënuese përmes një aplikacioni në telefon. Rastin në polici e ka denoncuar gruaja 35-vjeçare, e cila banon në Tetovë. Sipas buletinit të Ministrisë së Punëve të Brendshme, ajo është paraqitur më 3 shtator, rreth orës 20:50, në SPB Tetovë. Sipas denoncimit, mesazhet janë dërguar nga burgu i Idrizovës, ndërsa policia ka nisur të hetojë dhe po punon për zbardhjen e plotë të rastit. Hetimi pritet të përcaktojë përmbajtjen e kërcënimeve dhe rrethanat në të cilat ato janë dërguar.
