Platforma Meta ka çaktivizuar 756 mijë llogari në Facebook dhe Instagram në Australi, pasi dyshohet se u përkisnin përdoruesve nën moshën 16-vjeç, njoftoi kompania.
Sipas të dhënave të publikuara nga Meta, deri më 30 qershor janë çaktivizuar 462 mijë llogari në Instagram dhe 294 mijë në Facebook.
Australia është vendi i parë në botë që ka vendosur një moshë minimale kombëtare prej 16 vjeç për përdorimin e platformave të mediave sociale, me kufizimet që hynë në fuqi në dhjetor 2025.
Meta bëri të ditur se më shumë se 500 mijë llogari u hoqën përpara hyrjes në fuqi të ligjit, ndërsa pjesa tjetër është çaktivizuar gjatë muajve pasues.
Kompania tha se procesi i zbatimit të masave vijon dhe numri i llogarive të çaktivizuara pritet të rritet më tej.
Për identifikimin e përdoruesve që mund të jenë nën moshën 16-vjeç, Meta përdor edhe inteligjencën artificiale, e cila analizon postime, komente, biografi dhe tituj fotosh për të gjetur të dhëna që mund të tregojnë moshën e përdoruesit.
Këto përfshijnë, ndër të tjera, referenca për ditëlindjet apo klasat dhe notat në shkollë.
Ndërkohë, edhe vende të tjera kanë nisur të ndërmarrin masa për kufizimin e aksesit të fëmijëve në rrjetet sociale.
Franca ka vendosur kufizime për përdoruesit nën 15 vjeç, ndërsa Spanja, Malajzia dhe vende të tjera po shqyrtojnë masa të ngjashme.
© SYRI.net
