Kryeministri Edi Rama ka reaguar sërish në rrjetet sociale lidhur me protestat që po zhvillohen në kryeqytet, duke shpërndarë edhe një video të gazetarit Shpend Gashi.
Në reagimin e tij, kreu i qeverisë ka ndarë pjesëmarrësit në dy kategori, duke përdorur simbole metaforike për të përshkruar qëndrimet ndaj protestës.
“Flamingot dhe sorrat me korbat i ndan pikërisht hendeku që ndan paqen me dhunën. Të parët duan që Shqipëria të jetë më e mirë, më e drejtë, më e pastër, ndërsa të dytët e duan Shqipërinë shesh për horrllëk, dhunë dhe pisllëk”, shkruan Rama.
Ai shton se sipas tij, një pjesë e protestuesve kërkon një shoqëri më të qetë dhe konstruktive, ndërsa një tjetër grup synon tension dhe përplasje.
“Flamingot do ta kenë atë që kërkojnë, ndërsa dështakëzemërakët e kores së zezë të kësaj proteste do të marrin atë që meritojnë, sorrat dhe korbat”, vijon më tej reagimi i kryeministrit.
