Negociatat midis SHBA-së dhe Iranit janë “ende një punë në zhvillim e sipër”, tha të hënën Sekretari i Shtetit i ShBA-së, Marco Rubio, gjatë një vizite në Indi.
“Menduam se mund të kishim ndonjë lajm mbrëmë. Nuk do t’i kushtoja shumë rëndësi. Do të duhet pak kohë për të marrë përgjigje”, u tha Rubio gazetarëve në New Delhi përpara se të nisej për një turne në Taj Mahal në qytetin e Agras.
Rubio tha se kishte “një gjë mjaft të fortë në tryezë” në lidhje me aftësinë e Iranit për të hapur Ngushticën e Hormuzit dhe për të hyrë në “një negociatë vërtet të rëndësishme dhe të kufizuar në kohë për çështjet bërthamore”, shkruan CNN, transmeton Klankosova.tv.
Marrëveshja e mundshme ka shumë mbështetje nga shtetet e Gjirit dhe globalisht, shtoi Rubio.
Ai përsëriti gjithashtu se Presidenti Donald Trump “nuk ka nxitim” dhe “nuk do të bëjë një marrëveshje të keqe”.
“Ose do të kemi një marrëveshje të mirë, ose do të na duhet ta trajtojmë në një mënyrë tjetër”, tha Rubio.
