Autopsia e vërtetoi dyshimin e hetuesve. Autopsia për rastin me vrasësin serik në Staro Nagoricane, ka vërtetuar vdekje të dhunshme edhe tek gruaja tjetër, përderisa raporti në formë të shkruar i AND analizave pritet të hënën në Prokurori. Hetimi vazhdon me vlerësimin psikiatrik të të dyshuarit dhe me grumbullimin e dëshmive plotësuese.
Ka përfunduar edhe autopsia për gruan e dytë për të cilën Prokuroria javën e kaluar urdhëroi eks-humim dhe autopsy, pas vrasjes në Staro Nagoricane të Kumanovës. Drejtori I Mjekësisë Ligjore prof.dr.Aleksandar Stankov për MIA tha se bëhet fjalë për vdekje të dhunshmeedhe tek rastin I gruas tjetër, por se aktualisht është duke u përgatitur raporti I shkruar I cili sipas të gjitha gjasave të hënën do të dërgohet Prokurorisë.
– Kjo është një vdekje e dhunshme tek gruaja e dytë më e re për të cilën prokuroria kërkoi zhvarrim – tha Stankov.
Ai përsëriti se mostrat e ADN-së u morën edhe nga viktima e mëparshme, një grua e moshuar nga fshati Çelopek. Të dyja gratë vdiqën dhunshëm.
JORSM thotë se hetimi ndaj të dyshuarit për vrasje nga komuna Staro Nagoricane është duke u zhvilluar aktualisht dhe thekson se gjetjet e autopsisë së ekspertëve nuk janë dorëzuar në Prokurori. Javën e kaluar (20 shkurt), Prokuroria njoftoi se ishte urdhëruar një zhvarrim dhe autopsi e trupit të gruas së ndjerë, sepse, siç u tha në atë kohë, “për shkak të ngjashmërive në zgjedhjen e viktimës dhe mënyrës mizore të kryerjes së krimit, po hetohet nëse këto raste ishin vrasje të kryera nga i njëjti autor”.
– Autopsia është përfunduar, raporti me shkrim dhe raporti i analizës së ADN-së po përgatiten, kështu që pres që Prokuroria të ketë gjetjet e autopsisë dhe analizës së ADN-së sa më shpejt të jetë e mundur, më së voni deri të hënën. E vetmja gjë që mund të them, meqenëse ky është një hetim, është se edhe gruaja e dytë më e re vdiq dhunshëm – tha Stankov. Ai përsëriti se mostrat e ADN-së janë marrë edhe nga viktima e mëparshme, një grua e moshuar nga fshati Çelopek, ku gjithashtu pati një vdekje të dhunshme nga i dyshuari, dhe se po kryhen të gjitha analizat.
Prokuroria Themelore Publike në Kumanovë njoftoi se të gjitha institucionet dhe autoritetet kompetente po ndërmarrin një numër të madh veprimesh për të siguruar prova për një sqarim të plotë të këtyre ngjarjeve. I dyshuari është siguruar dhe do t’i nënshtrohet një vlerësimi psikiatrik nga një ekip ekspertësh në ditët në vijim.
“Gjatë kësaj procedure komplekse, po merren në pyetje persona dhe do të sigurohen të gjitha provat e tjera të nevojshme për një sqarim të plotë të rasteve, por në këtë fazë të procedurës, në interes të hetimit, nuk mund të ndahen detaje të mëtejshme”, njoftoi JORSM.
Policia e Kumanovës raportoi se më 12 shkurt të këtij viti, i dyshuari ka hyrë në shtëpinë e një gruaje 78-vjeçare në fshatin Dragomance, komuna Staro Nagoricane, e ka sulmuar fizikisht dhe e ka mbytur me një jastëk. Zyrtarët policorë të Departamentit të Policisë Staro Nagoriçane arrestuan T. B. (25) nga fshati Malotino, komuna Staro Nagoriçane, nën dyshimin për kryerjen e një vepre penale sipas nenit 123 të Kodit Penal. Ai dyshohet se më 12 shkurt ka sulmuar fizikisht dhe ka mbytur me jastëk M. S. (78) nga fshati Çelopek, komuna Staro Nagoriçane, në shtëpinë e saj, pas së cilës ajo ka vdekur në vend, njoftoi policia në atë kohë.
Ndër njëzet e pesë vjeçari T. B., siç informoi Shërbimi Shtetëror i Sigurisë në Kumanovë, është ngritur një kallëzim penal për shkak të ekzistencës së dyshimit të bazuar se ai është autor i dy “vjedhjeve të rënda” sipas nenit 236 të një ndërtese biznesi dhe prone private dhe “vjedhjes” sipas nenit 235 të një automjeti transportues.
“Pas një ngjarjeje të raportuar më 09.02.2026 për një sulm fizik ndaj R.T. (86) në fshatin Çelopek, T.B. (25) është privuar nga liria dhe pas dokumentimit të plotë të rastit, kundër tij do të ngrihen kallëzime përkatëse. Meqenëse hetimi është ende në vazhdim, do të informoheni më tej për informacione më të hollësishme”, njoftojnë nga SPB Kumanovë.
