Policia bën të ditur se një veturë është shkrumbuar plotësisht ndërsa një tjetër është dëmtuar krah saj pas zjarrit që shpërtheu në rrugën “Brigada maqedono-kosovare”, respektivisht në udhëkryqin mes kësaj rruge, Bulevardit “Nikolla Karev” dhe rrugës “Slavej Planina” në Shkup, përcjell TV21. Nga Ministria e Punëve të Brendshme thonë se fatmirësisht, nga zjarri nuk ka të lënduar.
“Sot (30.01.2026) në orën 11:40 në SPB Shkup është raportuar se në bulevardin “Nikolla Karev” në Shkup ka shpërthyer një zjarr në automjetin “Renault Clio” në lëvizje, i drejtuar nga A.G. (47) nga Shkupi. Automjeti u shkatërrua plotësisht nga zjarri, ndërsa flakët kapluan edhe një automjet tjetër “BMW”, pronë e A.A. (48) nga Shkupi. Nuk ka persona të lënduar. Zjarri u shua nga Brigada e Mbrojtjes nga Zjarri në Shkup”, thonë nga MPB për TV21.
