Nata e Vitit të Ri sjell përdorim të shtuar të fishekzjarreve.
Kjo rrit rrezikun e zjarrit apo djegies së ndonjë objekti.
Së paku për tre incidente zjarri, Klan Kosova ka informacione se ndodhën në natën e ndërrimit të moteve në kryeqytet.
Tre shtëpi u dogjën si pasojë e përdorimit të mjeteve piroteknike.
Rastet ndodhën në lagjen “Bregu i Diellit”, te “Xhamia e Llapit” dhe në rrugën “Bajram Bahtiri”.
Sipas informacioneve që ka Klani, s’ka persona të lënduar.
