Me mbështetjen e Komunës së Çairit, nën organizim të Operës dhe Baletit Nacional, më 28 Nëntor skena e institucionit do të mirëpresë rikthimin e sopranos së shquar ndërkombëtare Inva Mula. Ky koncert gala merr një domethënie të veçantë për Çairin, pasi Inva Mula në vitin 2012 është shpallur Qytetare Nderi e Komunës së Çairit, një vlerësim që e lidh emrin e saj me historinë kulturore të komunës sonë.
Në këtë mbrëmje të përkushtuar artit dhe festës, Inva Mulës do t’i bashkohen sopranoja Dëshira Ahmeti Kërliu dhe tenori Ismet Veseli, të shoqëruar nga Orkestra Simfonike e Teatrit të Operës dhe Baletit, duke krijuar një përvojë të rafinuar dhe të paharrueshme për publikun.
📅 28 Nëntor – ora 20:00
📍 Opera dhe Baleti Nacional
Një mbrëmje që i sjell Shkupit art të nivelit të lartë. Një festë që nderohet me kulturë.
