Punimet në urën tjetër mbi lumin Ibër po vazhdojnë me intensitet të madh, pas një ndërprerjeje njëditore që shkaktuan vërshimet për shkak të reshjeve të mëdha të shiut të hënën e kësaj jave.
Në emisionin “Ora Shtatë” në Klan Kosova, korrespondenti në Mitrovicë, Urall Boshnjaku, ka raportuar se reshjet e fundit shkaktuan dëme të konsiderueshme në disa nga pajisjet e përdorura për ndërtimin e urës.
Boshnjaku shtoi se mëngjesin e sotëm po vërehen punëtorët duke vijuar punimet në të gjitha pjesët e urës, e cila pritet të përfundojë më 1 janar. /Klankosova.tv
