Kryeministri spanjoll Pedro Sanchez bëri thirrje sot për ndalimin e atletëve izraelitë nga garat ndërkombëtare ndërsa lufta në Gaza vazhdon, raporton Guardian .
“Pse Rusia përjashtohet nga garat sportive pas pushtimit të Ukrainës, ndërsa Izraelit i lejohet të marrë pjesë pas pushtimit të Gazës?”, pyeti Sanchez gjatë një takimi të deputetëve të Partisë Socialiste në parlamentin spanjoll, raportoi Politico.
“Ndërsa vazhdon sjelljen e tij barbare, Izraeli nuk mund të përdorë ngjarjet ndërkombëtare për të përmirësuar imazhin e tij”, tha ai.
Deklarata e Sanchez erdhi në mes të një përshkallëzimi diplomatik me Izraelin, pasi ai mbështeti demonstruesit pro-palestinezë që protestuan kundër pjesëmarrjes së një ekipi izraelit në një garë çiklizmi në të gjithë Spanjën.
