Barcelona synon zëvendësuesin ideal për Frenkie de Jong, i cili mund të largohet në verë për shkak të interesimit nga top klubet evropiane.
Blaugranët po synojnë Tijjani Reijnders të Milanit, me mesfushori holandez që po kalon nëpër një sezon fantastik.
Drejtori sportiv Deco ka nisur përpjekjet për të siguruar mesfushorin holandez, paraqitjet e spikatura të të cilit në Serie A kanë rënë në sy të klubit.
Hansi Flick tashmë e ka dhënë dritën e gjelbër për këtë lëvizje, e parë si një emergjencë për largimin e mundshëm të De Jong.
Që nga transferimi te Milani, Reijnders është shfaqur si një lojtar kyç, duke shfaqur aftësi fizike dhe teknike që i ka bërë përshtypje Barcelonës.
Klubi synon të nënshkruajë me të pavarësisht nga e ardhmja e De Jong. Milani e vlerëson atë në mbi 50 milionë euro – një shifër që Barcelona është e gatshme ta marrë në konsideratë, megjithëse situata e palës italiane mund të lehtësojë bisedimet.
Klube të tjera evropiane janë gjithashtu në garë, por Barça dëshiron të veprojë me shpejtësi.
Ardhja e Reijnders mund të ndikojë në skuadër, duke e shtyrë potencialisht Marc Casado, tashmë të anashkaluar, drejt një largimi, ndërsa rikthimi i Marc Bernal shton konkurrencë të mëtejshme.
