Ish-presidenti i Kosovës, Hashim Thaçi, ka arritur sot në Kosovë për të vizituar varrin e babait, i cili u varros të martën.
Gjykata Speciale nuk i dha leje për të marrë pjesë në ceremoninë e varrimit, por pas tre ditësh ai është lejuar të vizitojë varrin e të atit.
Aeroplani privat me të cilin udhëtonte Thaçi është nisur nga Roterdami në orën 08:00 të mëngjesit dhe ka ateruar në Aeroportin e Prishtinës pas orës 10:00.
Ende nuk dihet sa do të qëndrojë Thaçi në Kosovë, ndërkohë që në Skenderaj mijëra qytetarë po vazhdojnë të shprehin ngushëllimet e tyre për familjen e tij.
Ekipi i IndeksOnline ndodhet në Burojë për ta përcjellë nga afër vizitën e Thaçit.
