U përfol për një transferim në Arabinë Saudite, Guardiola sqaron të vërteten e De Bruyne

Trajneri i Manchester Cityt, Pep Guardiola, ka mohuar raportimet se Kevin De Bruyne do të shkojë në Arabinë Saudite.

Kontrata e De Bruyne në Etihad skadon në vitin 2025, kur ai do të jetë 34 vjeç dhe ka qenë shumë i lidhur me një lëvizje në Superligën Saudite, duke qenë një objektiv që kur një mori lojtarësh elitarë u transferuan në këtë ligë.

Dhe sipas gazetarit Rudy Galetti, ka një “marrëveshje verbale” mes yllit belg, De Bruyne dhe kampionëve të Superligës Saudite, Al Ittihad.

Megjithatë, trajneri i Cityt, Guardiola ka mohuar një gjë të tillë, duke konfirmuar qëndrimin e belgut në Etihad.

“Jo, Kevin nuk do të largohet”, ka theksuar Guardiola për mesfushorin belg, një nga më të mirët në historinë e Ligës Premier.

Gjatë ditëve të fundit është përfolur edhe për një largim të portierit Ederson drejt Arabisë Saudite, por as ky transferim nuk do të materializohet.

ARTIKUJ TË NGJASHËMMË SHUMË NGA AUTORI