Artetas nuk i pëlqejnë pyetjet për të ardhmen e Aaron Ramsdales

E ardhmja e Aaron Ramsdales vazhdon të jetë ende e paqartë nëse do të qëndrojë apo do të largohet nga Arsenali gjatë afatit kalimtar dimërorë.

Portieri anglez ka humbur vendin e titullarit në Londër pas ardhjes së David Rayas dhe ai e di se për të shkuar në Euro 2024 duhet të luaj më shumë.

Newcastle United po këmbëngul për transferimin e portierit anglez, megjithatë e ardhmja e tij vazhdon të jetë e pasigurt dhe për këtë ka folur edhe trajneri i Arsenalit, Mikel Arteta.

Megjithatë trajneri spanjoll nuk ka dhënë detaje nëse Ramsdale do t’i bashkohet Newcastles, pasi ka dhënë një përgjigje diplomatike.

“Nuk do të them se asnjë lojtar nuk do të shkojë në Newcastle. Ose asnjë anëtar i stafit, nuk do ta them”, tha fillimisht Arteta.

“Nëse thua po ose jo, nuk do ta them. Është e qartë apo jo? Jo? Mirë, përgjigjja është jo për çdo lojtar”.

“Nuk do ta them për asnjë lojtar. Nuk garantoj për asnjë lojtar apo anëtar stafi që nuk do të largohet në janar. Newcastle apo ndonjë klub tjetër. Pra, është jo. E qartë?”, tha Arteta që ishte i revoltuar nga pyetjet për të ardhmen e futbollistëve të tij.

25-vjeçari ka qenë i lidhur me një lëvizje në janar te Newcastle, por asgjë deri më tani nuk ka ndodhur dhe bardhezinjtë do të tentojnë deri në fund të janarit të nënshkruajnë me të.

ARTIKUJ TË NGJASHËMMË SHUMË NGA AUTORI