Policia shqiptare ndaloi një banor të Tiranës, gjatë tentativës për të kontrabanduar marihuanë dhe armë zjarri me municion në Maqedoni me automjetin e tij taksi, përcjell TV21. Gjatë kontrollit në mjetin e taksistit 51-vjeçar u zbuluan 8.2 kilogramë marihuanë, si dhe një armë automatike e markës Scorpion me municion.
Automjeti u ndalua në afërsi të Pogradecit, gjersa destinacioni përfundimtar ishte Maqedonia, thuhet në njoftimin e policisë shqiptare. Para pak kohësh policia e Pogradecit ka sekuestruar rreth 30 kilogramë marihuanë, e cila supozohej të futej kontrabandë në një anije peshkimi dhe pronari duhej të paguhej 500 euro kilogrami për transportin e drogës.
