Shefi i NATO-s, Jens Stoltenberg ka folur për situatën në veri të Kosovës, teksa ka shtuar se situata e tensionuar në Ballkanin Perëndimor po e alarmon NATO-n.
“Situata në Kosovë është shkak për shqetësim të madh”, tha Stoltenberg.
“Dua të them shumë qartë, trupat e NATO-s janë të gatshme të ruajnë paqen në Kosovë. Nuk do të lejojmë që dhuna e viteve 1990 të kthehet”, ka thënë ai në një intervistë për “Welt”
Stoltenberg ka kërkuar nga Kosova dhe Serbia t’i kthehen dialogut të ndërmjetësuar nga Bashkimi Evropian.
“Kjo është mënyra e vetme për të arritur paqe të qëndrueshme për të gjitha komunitetet”, ka thënë ai.
