Shkruan: Muhamer Pajaziti
Maqedonia ka kohë që është infektuar me sëmundjen e kancerit të korrupcionin që po shkatërrron organet vitale të institucioneve shtetërore.
Sëmundja tani ka përparuar, duke kaluar në metastazë, të cilën s’mund ta ndaloj as kimioterapia.
Pacientit me emrin Maqedonia e Veriut tani po i japin barna dhe infuzione sa për ti qetësuar pak dhimbjet dhe për ta mbajtur për një kohë të shkurtër në këmbë. Kjo të paktën sa për ti kryer nevojat fiziologjike.
Këtu s’bëhet fjalë për dy tre individë, por është e përfshirë pothuajse e gjitha klasa politike, maqedone dhe shqiptare.
Lloji i parë i korrupsionit është rishpërndarës dhe përfituesi kryesor nuk është shteti, por burimet shtetërore janë varfëruar duke ju shpërndarë grupeve subversive dhe të interesave të ndryshme sipas konfigurimeve të fuqisë në çdo vendbanim. Kjo ndodhë rëndom në shtete autoritare dhe jo demokratike ku ka aktivitete të shumta mafioze dhe ku disa individë brenda natës bëhen milionerë.
Lloji i dytë i korrupsionit në Maqedoni është ai politik. Në këtë rastë, shteti dhe politikanët përfitojnë më së shumti nga korrupsioni dhe korruptuesi është pak a shumë një lojtar pasiv.
Në të dyja raste, populli varfërohet deri në mjerim. Dhe kjo ka ndodhur tashmë. Janë me qindra mijëra familje që jetojnë me ndihma sociale dhe që kanë prekur pragun e varfërisë ekstreme. Institucionet nuk funksionojnë dhe të rinjtë janë të detyruar që ta braktisin vendin.
Zgjidhja: Një mision i përkohshëm ndërkombëtarë që miraton dhe zbaton Ligjin për konfiskimin e pasurisë së pa luajtshme si dhe Ligjin e Vetingut. Nevojiten edhe disa “buldozherë” për t’i pastruar mirë e mirë “mbeturinat” politike që po na helmojnë.
