Liverpooli është duke kërkuar ta përforcojë edhe repartin e mbrojtjes, pasi ka bërë goditje të mëdha në mesfushë.
The Reds transferuan dyshen Alexis Mac Allister dhe Dominik Szoboszlai në mesfushë, derisa Klopp synon ta përforcojë edhe repartin defensivë.
Mbrojtësi holandez i Torinos, Perr Schuurs është objektiv i Liverpoolit për prapavijën me gjigantin anglez që tanimë ka bërë ofertën e parë.
Tuttosport ka njoftuar se The Reds kanë ofruar 30 milionë euro te Torino për lojtarin, por kjo ofertë është refuzuar nga skuadra italiane.
Skuadra italiane Torino synon që nga largimi i Schurrs të fitoj së paku 45 milionë euro.
23-vjeçari iu bashkua Torinos vitin e kaluar nga Ajaxi dhe ka pasur paraqitje fantastike në elitën e futbollit italian.
Schuurs sezonin e fundit ka zhvilluar 33 ndeshje, ku ka realizuar edhe një gol dhe ka asistuar në dy të tjerë.
