Declan Rice vazhdon të jetë mesfushori më i kërkuar në Angli, por edhe më i shtrenjti për momentin.
Mesfushori anglez është prioritet i dy skuadrave të para në kampionat, kampionëve të Manchester City dhe nënkampionëve Arsenalit.
Përderisa West Ham ka refuzuar tre oferta të Arsenalit, tani ka ardhur refuzimi edhe për ofertën e dytë të Manchester Cityt.
Gazeta angeze The Telegraph ka raportuar se ‘Çekanët’ kanë refuzuar ofertën e Cityt prej 90 milionë funteve (104 milionë euro) për Declan Rice.
City po konkurron me Arsenalin për të nënshkruar me Rice, por West Ham nuk e ka ndërmend ta lë atë të largohet për një çmim të ulët.
Sipas mediave angleze skuadra londineze synon që nga shitja e kapitenit të fitoj 100 milionë funte (116,4 milionë euro).
