Federico Valverde ishte njëri nga emrat më të përfolur të javës së fundit, pasi ishte në qendër të vëmendjes që nga e shtuna për sulmin e tij ndaj Alex Baenës pas përballjes së Real Madridit me Villarrealin.
Të gjithë pritnin ta shihnin në fushë Valverden, për të ditur reagimin e tifozëve dhe të tij pas incidentit me futbollistin e Villarrealit në parkingun e Bernabeut, ku uruguaiani goditi me grusht Baenan.
Përpara se të fillonte ndeshja kundër Chelseat, me dy skuadrat tashmë të gatshme për të filluar lojën, tribunat e Bernabeut filluan të brohorasin emrin e uruguaianit, i cili ia ktheu gjestin, duke vendosur njërën dorë në zemër dhe tjetrën në drejtim të tribunave, në formë falënderimi.
Një gjest drejt tribunës
