Real Madrid dëshiron të lërë pas krahëve humbjen ndaj Barcelonës në Kupën e Mbretit. “Los Blancos” rikthehen të dielën në fushë, këtë herë për llogari të La Liga-s.
Kampionët e Spanjës presin Real Betis në transfertë. Barcelona është shtatë pikë larg dhe fitorja është alternativa e vetme ndaj andaluzianëve.
Trajneri Carlo Ancelotti vlerëson ekipin kundërshtar dhe i bën thirrje djemve të tij të mos bëjnë asnjë gabim. “Unë e shoh mirë skuadrën. Jemi në formë, lojtarët po rikuperojnë energjitë e tyre.
Real Betis? Skuadër e madhe, ata luajnë një futboll tërheqës. Luajnë realisht një futboll të bukur. Do të japim gjithçka për ta fituar këtë sfidë, por nuk duhet të bëjmë gabime”, u shpreh trajneri italian.
