Presidenti i Federatës së Futbollit të Francës, Noël Le Graët, është pezulluar nga detyra e tij, pas disa komenteve që ai i bëri për ish-yllin francez të futbollit, Zinedine Zidane.
I pyetur nëse Zidane do të bëhej trajner i kombëtares së Brazilit, Le Graët tha se “s’më intereson, mund të shkojë ku të dojë’.
Lajmi pasoi një takim urgjent të komitetit ekzekutiv të Federatës Franceze të Futbollit, i cili emëroi nënkryetarin Philippe Diallo përkohësisht në krye të federatës.
Vendimi për të pezulluar Le Graët vjen një ditë pasi ai u detyrua t’i kërkonte falje të madhit francez Zinedine Zidane për komentet për ish-trajnerin e Real Madridit, të cilat komente ngjallen reagimet e lojtarëve dhe politikanëve.
Sulmuesi francez Kylian Mbappe shprehu mosmiratimin e tij për komentet e Le Graët, duke thënë në Tëitter se “Zidane është Franca, ne nuk e shpërfillim legjendën kështu”.
Ministrja franceze për Sportin, Amelie Oudea-Castera ishte një nga shumë politikanë që reaguan ndaj komenteve të Le Graët, duke thënë se presidenti i “federatës më të madhe sportive” në vend kishte kaluar kufirin.
