Ish-ylli i Juventusit, Blaise Matuidi, bëri thirrje që Serie A të bëjë diçka në mënyrë që të ndalojë abuzimet raciste në tribuna pas thirrjeve fyese që vinin nga fundi i Lazios në Lecce në shënjestër të lojtarëve vendas Samuel Umtiti dhe Lameck Banda.
Ish-mbrojtësi i Barcelonës u pa duke u larguar nga fusha në lot në fund të një ndeshjeje që pa skuadrën e tij të kthehej nga pas për të mposhtur ‘Biancocelesti’ 2-1, dhe Matuidi shkoi në mediat sociale për të shprehur të gjithë mbështetjen e tij për lojtarin dhe për të dënuar akt racist.
“Mbështetje e plotë për vëllain tim Samuel Umtiti”, shkroi ai në ‘Twitter’. “Duhet të zgjohemi!!! Jemi në vitin 2023. Le të bëjmë diçka Serie A. #NoToRacism”.
Ish-reprezentuesi francez luajti 98 ndeshje në Serie A për ‘Bianconerët’ midis 2017 dhe 2020 dhe ishte vetë viktimë e abuzimit racor në vitin 2018 gjatë fitores 3-1 të Juventusit ndaj Cagliari.
Me atë rast, ai u përgjigj edhe përmes rrjeteve sociale, duke postuar një mesazh në llogarinë e tij në Facebook ku shkruhej: “Njerëzit e dobët përpiqen të frikësojnë me urrejtje”.
Lidhur me ndeshjen e lartpërmendur ka reaguar edhe presidenti i FIFA-s, Gianni Infantino duke dënuar ashpër fyerjet raciste.
