*Dr. Mustafa Cerić
Kryeministri i Republikës së Kosovës, Albin Kurti, vëren se Serbia, përmes Kishës Ortodokse Serbe (KPS), edhe anasjelltas, po rrënon sovranitetin dhe integritetin territorial të Republikës së Bosnjë-Hercegovinës dhe Republikës së Malit të Zi.
Kjo është arsye e mjaftueshme që kryeministri i përgjegjshëm dhe i ndërgjegjshëm i Republikës së pavarur dhe sovrane të Kosovës, Albin Kurti, të mbajë qëndrim ndaj Kishës Ortodokse Serbe si çështje sigurie për qytetarët e Kosovës dhe të ndalojë hyrjen e Patriarkut Serb Porfirio në Kosovë.
Me këtë rast ka folur anëtarja dhe kryetarja e Kryesisë së Republikës së Bosnjës, Zheljka Cvijanoviq, e cila për “Srna” ka theksuar se është vendim i turpshëm dhe diskriminues i institucioneve të përkohshme në Prishtinë, për t’ia ndaluar Shenjtërisë së Tij Patriarkut Serb Porfiri, shkuarjen në Patriarkanën e Pejës, para festës së madhe të Lindjes së Krishtit.
Megjithatë, Cvijanoviq nuk ka përmendur synimin politik të KOS-it (Kishes Ortodokse Serbe) në Republikën e Bosnjës dhe më gjerë, gjë që padyshim ka kontribuar në vendimin e kryeministrit të Kosovës Kurti. Natyrisht, kryeministri i Kosovës Kurti po shikon sesi Serbia, duke përdorur KOS’in, po rrënon sovranitetin e Republikës së Bosnjë-Hercegovinës dhe Republikës së Malit të Zi.
Përkatësisht, KOS’i (Kisha Ortodokse Serbe) mori pjesë në krijimin dhe forcimin e shovinizmit serb para sulmit agresiv të Serbisë ndaj Republikës së pavarur, sovrane dhe të njohur ndërkombëtarisht të Bosnjës. KOS’i i kishte vu në dispozicion të gjitha resurset regjimit të Millosheviqit, gjatë agresionit kundër Republikës së Bosnjës, një agresion që rezultoi në gjenocidin e boshnjakëve në Srebrenicë.
Pas nënshkrimit të Marrëveshjes së Paqes së Dejtonit, KOS’i punoi në mënyrë aktive dhe po punon, kundër Marrëveshjes, duke imponuar karakter fetar, ortodoks të gjitha institucioneve të entitetit dhe duke e kthyer entitetin civil boshnjak, në të ashtuquajturin “shtet të popullit serb”, si pjesë e të ashtuquajturës “Botë Serbe” (Srpski svet).
Ajo ide e sëmurë e Kishes Ortodokse Serbe (KOS) për Republika Sërpskën (v.j.) si “shtet serb” dhe “Botën serbe”, është në kundërshtim me shkronjën dhe frymën e Kushtetutës së Republikës së Bosnjës dhe me vendimet e Gjykatës Kushtetuese të Republikës së Bosnjës. Është në kundërshtim me sensin e shëndoshë dhe bashkëjetesën dhe tolerancën mijëravjeçare të Bosnjës. Në Mal të Zi, KOS’i ishte në ballë të protestave kleriko-nacionaliste, të cilat çuan në krijimin e një qeverie që varet nga Beogradi dhe Moska, dhe që ndjek të njëjtat qëllime politike siç i ka Kisha Ortodokse Serbe në Republikën e Bosnjës.
Patriarku i KOS’it Porfirije merr pjesë rregullisht në të gjitha manifestimet politiko-klerikale, që prishin rendin kushtetues të Republikës së Bosnjës dhe destabilizojnë pavarësinë dhe sovranitetin e Republikës së Malit të Zi. Pse çdo vend/shtet i ndërgjegjshëm, i cili kultivon marrëdhënie të mira me fqinjët e tij, bazuar në barazinë dhe të drejtën ndërkombëtare, do t’u dërgonte të tjerëve drejtues të politikave krejtësisht të kundërta, edhe nëse ata janë të veshur me rroba kryepriftërore? Pse Serbia nuk përballet me të kaluarën? Pse ajo nuk u kërkon falje shqiptarëve në Kosovë për diskriminimin dhe vuajtjet e tmerrshme që u shkaktoi atyre, të cilat u vendosën nga jurisprudenca e ICTY-së? Dhe, në fund, pse Serbia nuk dërgon lajmëtarë paqeje në Kosovë dhe jo luftënxitës?
Në vend të kësaj, Serbia po dërgon dikë që, përkundër retorikës së ndryshme, vazhdon të ecë gjurmëve të Millosheviqit. Në të vërtetë, përse çdo vend/shtet, i cili i përmbahet pavarësisë, sovranitetit dhe integritetit territorial dhe marrëdhënieve të mira e paqësore ndërmjet qytetarëve/qytetarëve, do të presë një mysafir që vjen për të prishur paqen dhe sigurinë e tij? Natyrisht, asnjë vend/shtet i pavarur, sovran dhe përgjegjës nuk do ta bënte këtë, por duket se vetëm shteti/shteti i pavarur, sovran dhe përgjegjës, Republika e Kosovës e udhëhequr nga kryeministri Albin Kurti, ka guximin dhe fuqinë për ta bërë këtë. Urime Kurti!
*Dr. Mustafa Cerić është kryetar i “Kongresit Boshnjak Botëror”, njëri nga themeluesit e Akademisë së Shkencave dhe artit Boshnjak si dhe is Reisul Ulema i Bashkësisë Islame të Bosnjës.
