Neymar, babi i tij, ish-drejtuesit e Barcelonës dhe të Santos paraqiten në gjyq sot.
Pesë vjet që kur Neymar i dha fund karrierës së tij te Barcelona, sulmuesi brazilian do të gjykohet në Spanjë për të përcaktuar nëse ai dhe të tjerët kryen mashtrime kur iu bashkua klubit katalanas nga Santos në vitin 2013.
Sipas ‘Sky Sports News’ një gjyq që do mbahet sot në Barcelonë, Neymar, babai i tij dhe ish-udhëheqjet e ‘Blaugrana’ dhe të Santos përballen me manipulim me shumën e transferimit te katalanasit, transmeton lajmi.net.
Ata akuzohen se fshehin koston reale të transferimit të lojtarit me qëllimin për të mos paguar paratë që DIS, një kompani private braziliane, thotë se i detyrohen si pronarë të ligjshëm të 40% të të drejtave të lojtarit të Neymar.
DIS po kërkon që Neymar, babai i tij që vepron si agjenti i tij, dhe ish-drejtuesit e Barcelonës, Sandro Rosell dhe Josep Bartomeu, të dënohen me pesë vjet burg.
Të gjithë të akuzuarit kanë mohuar ndonjë shkelje.
Gjyqi pritet të zgjasë deri në fund të tetorit, me hapjen e Kupës së Botës më 20 nëntor në Katar.
Neymar do të jetë i detyruar të marrë pjesë nëse gjyqtari nuk i jep leje për të humbur një seancë.
