Alexis Sanchez është shumë pranë kalimit te skuadra e Marseille në Francë. Futbollisti është gati ta shkëpusë kontratën me Interin, në mënyrë që të kalojë tek ish-kampionët francezë, transmeton lajmi.net. “Zikaltrit” nuk e kanë në plan për të vazhduar me kilianin, pasi nuk e llogarisin pjesë të planeve për sezonin e ri. Ky transfer pritet të kryhet me parametra zero, në rast të dakordimit të lojtarit me klubin aktual për shkëputjen e kontratës.

Ministria e Mbrojtjes, ka njoftuar se nesër do të bëhet betimi i ushtarëve të rinj të FSK-së.
Përmes një komunikata për media shtohet se ceremonia fillon nga ora 10:00 në kazermën e Komandës dhe Doktrinës së FSK-së në Ferizaj, shkruan lajmi.net.

Po ashtu shtohet se të pranishëm do të jenë Ministri i Mbrojtjes Armend Mehaj dhe zyrtarë të lartë të qeverisë.

Komunikata e plotë:

Ministria e Mbrojtjes

Ftohen përfaqësuesit e mediave të përcjellin aktivitetin e ceremonisë së betimit të ushtarëve të rinj të FSK-së, me 29.07.2022 ( e premte), duke filluar nga ora 10:00, në kazermën e Komandës dhe Doktrinës të FSK-së në Ferizaj.

Të pranishëm në ceremoni do të jenë: Ministri i Mbrojtjes, Armend Mehaj, zyrtarë të lartë të qeverisë së Republikës së Kosovës, gjeneralë dhe oficerë të lartë të FSK-së, familjarë dhe të ftuar të tjerë.