Serge Gnabry e ka refuzuar ofertën e parë të Bayern Munich për ta rinovuar kontratën.
Lojtari nuk është i kënaqur me pagën, duke kërkuar rritje të saj.
Drejtuesit bavarezë nuk e kanë ndërmend të bëjnë propozime të tjera më të lëverdisshme për lojtarin në aspektin e pagës, me lojtarin që tashmë është duke e menduar largimin nga “Allianz Arena”.
Të interesuar për shërbimet e lojtarit janë Arsenali dhe Real Madridi.
Mbetet të shihet se cila do të jetë zgjedhja e lojtarit, kur dihet se ka edhe një vit kontratë me klubin gjerman.
Vlera e Gnabryt në treg aktualisht, sipas Transfermarkt, është 70 milionë euro.
