Në konferencën e sotme për media, drejtori i NP Higjiena Komunale-Shkup,
Zuhdi Enuz, ka njoftuar opinionin për vendimin me të cilin punëtorëve të
Ndërmarrjes pas 16 vitesh do t`u rriten pagat.
“Vendimin do të fillojmë ta zbatojmë menjëherë, me pagën e ardhshme të
muajit prill dhe jam shumë i kënaqur që kjo rritje historike do të
realizohet në mandatin tim të menaxhimit të Kompanisë, sepse mendoj se
punëtorët e NP Higjiena Komunale-Shkup me të vërtetë e meritojnë që puna
e tyre të vlerësohet dhe shpërblehet siç duhet. Dëshiroj të shpreh
mirënjohjen time për kryetaren e Këshillit Drejtues të Ndërmarrjes, znj.
Julijana Spirovska, si dhe për të gjithë anëtarët e Këshillit
Drejtues.”- tha drejtori i NP Higjiena Komunale-Shkup, Zuhdi Enuz.
Gjatë konferencës për media, drejtori Enuz iu referua edhe gjendjes
aktuale në Ndërmaarje, të cilën e menaxhon prej 100 ditësh, duke
theksuar se sipas Raportit Vjetor për vitin 2021, gjatë menaxhimit të
ish-menaxhmentit është shënuar një humbje e madhe prej 43 milionë
denarë, obligime të papaguara ndaj furnitozuesvw, vonesa në pagesa,
valuta të skaduara etj.
“Në këtë moment – 100 ditë pasi kam ardhur në krye të Ndërmarrjes, sipas
Raportit Tremujor të rezultateve financiare, tremujorin e parë të vitit
2022 e mbyllim me rezultat financiar pozitiv, ku janë paguar pjesa më e
madhe e të kërkesave të arkëtueshme dhe çfarë posaçërisht do të doja të
theksoja është se pagat e punëtorëve të Ndërmarrjes paguhen me kohë, në
fillim të javës së parë të muajit”, tha Enuz.
Drejtori i Ndërmarrjes Publike Higjiena Komunale-Shkup ka potencuar edhe
problemet e hasura në sektorin tekniko-operativ të Ndërmarrjes.
“Kemi hasur në automjete që kanë qenë jashtë funksionimit dhe jashtë
përdorimit prej muajsh, pa u marrë asnjë masë për kthimin e tyre në
përdorim. Gjegjësisht, deri më 31 dhjetor 2021, vetëm 64% e numrit të
përgjithshëm të automjeteve kanë qenë në operim, ndërkohë që aktualisht
pothuajse 80% e numrit të përgjithshëm të automjeteve përdoren në mënyrë
aktive në terren çdo ditë, gjë që është jashtëzakonisht e rëndësishme
duke pasur parasysh se Ndërmaarja operon. shtatë ditë në javë, në tri
ndërrime.”- tha Enuz, i cili me këtë rast falënderoi kryetaren e qytetit
të Shkupit, Danela Arsovska, për mbështetjen e vazhdueshme gjatë 100
ditëve të kaluara.
