Dillian Whyte dhe Tyson Fury do të luftojnë në stadiumin Wembley të shtunën për titullin WBC të peshave të rënda. Por, me sa duket, kjo sfidë do ta ketë edhe vëmendjen e një boksieri me nam.
Fokusi i Oleksandr Usyk mund të jetë një revansh me Anthony Joshua, por ukrainasi do të përgatitet për të gjitha mundësitë këtë të shtunë duke studiuar luftën e Tyson Fury me Dillian Whyte përpara një përballjeje të mundshme ndaj tij.
35-vjeçari do të mbrojë rripat e tij në WBA, WBO dhe IBF kundër Joshua këtë verë, pasi i dha fund mbretërimit të britanikut si kampion bote me një fitore unanime me pikë në stadiumin e Tottenham Hotspur shtatorin e kaluar.
Fury, i vendosur ta mbajë titullin e tij në WBC kundër Whyte në Wembley këtë fundjavë, duket si një kundërshtar i mundshëm i ardhshëm i ukrainasit, nëse ai e mposht edhe një herë Joshua.
Fury më parë paralajmëroi se ai kishte në plan të tërhiqej pas luftës së tij me Whyte, një pretendim që babai i tij John shpejt e hodhi poshtë.
33-vjeçari këmbënguli të enjten se ai nuk po e nënvlerësonte Whyte si të tjerët, dhe për këtë arsye planifikoi të ndalonte bisedimet e mëtejshme për daljen në pension.
“Të jem i sinqertë me ju, po mendoj vetëm për Dillian Whyte, nuk po mendoj për pensionin”, tha ai. “Kjo do të vijë pas luftës, ne do të mendojmë se çfarë do të ndodhë dhe çfarë do të mbajë e ardhmja për mua.
“Për momentin, unë kam një detyrë masive në Dillian. Shumë njerëz po e nënvlerësojnë Dillian Whyte, por jo unë. Unë po i jap atij respektin që meriton gjatë gjithë kampit stërvitor
Unë nuk e nënvlerësoj këtë djalë, i jap atij respektin siç kam bërë për Deontay Wilder dhe të gjithë të tjerët”.
Whyte gjithashtu shpreson të përmbushë ambiciet e tij për titullin botëror duke mposhtur Furyn të shtunën mbrëma.
