Ndeshja ishte paraparë të zhvillohet në dhjetor, por pasi kishin raste me COVID-19 u shty për një kohë, transmeton lajmi.net.
Ndërsa, tani shkaku i rasteve pozitive, lëndimeve të shumta dhe lojtarëve që janë duke luajtur në Kupën e Afrikës, ndeshja është shtyrë për herë të dytë.
Ishte skuadra e Leicester Cityt që konfirmoi se ndeshja nuk do zhvillohet.
“Leicester mund të konfirmojë që ndeshja e Premierligës ndaj Everton me 11 janar (e martë) është shtyrë pas takimit të bordit të Premierligës”.
“Vendimi erdhi shkaku i disa rasteve pozitive me COVID-19, lëndimeve dhe lojtarëve që janë në Kupën e Afrikës”, shkruhet në komunikatë.
Ndërkohë, Leicester në vikendin e kaluar triumfoi 4 – 1 ndaj Watford në FA Cup, derisa Everton eliminoi Hull Cityn (3-2).
