Pekini synon mos të ketë ditë me ndotje të rëndë deri në vitin 2025, me tregues të tjerë të cilësisë së mjedisit që do të përmirësohen në mënyrë të qëndrueshme, thuhet në një plan për mbrojtjen e mjedisit ekologjik.
Kryeqyteti kinez do të përpiqet të mbajë përqendrimin mesatar të PM2.5 brenda 35 mikrogramëve për metër kub deri në vitin 2025, sipas Planit të Mbrojtjes Ekologjike dhe Mjedisit për Pekinin, citon “Xinhua”.
Plani thekson një qasje gjithëpërfshirëse për mbrojtjen dhe sistemimin e maleve, lumenjve, pyjeve, tokave bujqësore, liqeneve dhe kullotave, duke i dhënë prioritet strategjik reduktimit të karbonit.
Pekini do të promovojë gjithashtu kontrollin e ndotjes, mbrojtjen ekologjike dhe transformimin gjithëpërfshirës të gjelbër të zhvillimit ekonomik dhe social gjatë periudhës pesëvjeçare, tha Liu Xianshu, zëvendësdrejtor i Zyrës Komunale të Ekologjisë dhe Mjedisit të Pekinit.
Nga pesë dimensionet e zhvillimit të karbonit më të ulët, ajrit më të freskët, ujit më të pastër, tokës më të sigurt dhe ekologjisë më të jetueshme, plani vendosi 16 tregues objektivë, duke përfshirë intensitetin e emetimit të karbonit dhe përqendrimin mesatar vjetor të PM2.5.
Plani parashikon që mjedisi ekologjik do të përmirësohet rrënjësisht dhe furnizimi me produkte ekologjike me cilësi të lartë do të jetë më i mjaftueshëm në Pekin deri në vitin 2035. (Irma)
