Kryetari i Lëvizjes Besa, Bilall Kasami, ka përjashtuar nga partia deputetin Kastriot Rexhepi, pasi ky i fundit dje nuk mori pjesë në seancën e Kuvendit për rrëzimin e Qeverisë, shkruan gazeta Lajm.
Më poshtë mund ta lexoni njoftimin e plotë të Lëvizjes BESA.
NJOFTIM PËR OPINIONIN
Duke marrë parasysh veprimet e fundit të deputetit të Lëvizjes BESA Kastriot Rexhepi i cili ditë më parë nuk u paraqit në kuvend, për të mbështetur mocionin e mosbesimit të qeverisë, me çka i njëjti veproi në kundërshtim me vendimin e partisë me ç’rast dëmtoi rëndë edhe prestigjin e partisë, Lëvizja BESA, respektivisht unë si Kryetar partie, konform normave statutore përkatësisht nenit 14 paragrafit 3 pika 3.3 të Statutit të Lëvizjes BESA, anëtarin e lartëpërmendur e përjashtoj nga të gjitha pozicionet partiake dhe të qenurit anëtar i Lëvizjes BESA.
Ky vendim hyn në fuqi menjëherë.
