Shitjet e albumit të Dua Lipa’s vitin e kaluar kontribuan në fitimet e krahut irlandez të gjigandit të muzikës ‘Warner Music’ duke i dyfishuar fitimet në 1.8 milion euro, transmeton lajmi.net.
Albumi global u publikua në fillim të pandemisë Covid-19 në mars të vitit të kaluar dhe ai kontribuoi në të ardhurat në Warner Music Ireland Ltd duke u rritur me 14.75 përqind nga 12.37 milion në 14.2 milion euro në 12 muajt deri ka fundi i shtatorit të kaluar.
Rritja e të ardhurave rezultoi në fitime para tatimit në rritje me 82 përqind nga 990 mijë euro në 1,8 milion euro vitin e kaluar.
Lista e artistëve ndërkombëtarë të etiketës muzikore përfshin gjithashtu Coldplay dhe Ed Sheeran dhe sipas raportit vjetor rritja e të ardhurave ishte “kryesisht për shkak të rritjes së transmetimit të muzikës”.
“‘Warner Music Ireland’ po përqafon spektrin e mundësive të paraqitura nga teknologjia dixhitale për të thelluar lidhjen midis adhuruesve dhe artistëve”, tha raporti,
Në lidhje me zhvillimet e ardhshme të kompanisë, raporti tha se “krijimi dhe zhvillimi i modeleve të reja të biznesit për të përshpejtuar transformimin e saj të biznesit mbetet një domosdoshmëri kryesore strategjike”.
Kompania regjistroi fitime pas taksave prej 1.54 milion euro pasi kishte paguar taksën e korporatës prej 253 mijë euro.
Një ndarje e të ardhurave tregon se shitjet e drejtpërdrejta u rritën me 17 përqind në 13.2 milion euro ndërsa të ardhurat nga honoraret dhe tarifat e licencës ranë 6% nga 1.02 milion euro në 960 milion euro.
Numrat e punësuar nga kompania u rritën nga 11 në 12 ndërsa kostot e personelit u rritën nga 949 mijë euro në 990 mijë euro
Pagesa për drejtorët, përfshirë kontributet e pensioneve u rrit nga 368 mijë euro në 376 mijë euro.
Në fund të shtatorit të kaluar, kompania kishte grumbulluar fitime prej 4.63 milion euro.
