Eurodeputetja sllovene, Tanja Fajon e ka vlerësuar si egoiste dhe të rrezikshme qasjen e Bullgarisë, e cila përmes vetos, pengoi fillimin e negociatave me Maqedoninë e Veriut. Duke folur për zgjerimin e BE-së në kuadër të Forumit të Prespës ajo tha se me që rajoni është në gjendje të keqe, zgjerimi është në gjendje të keqe dhe Bashkimi Evropian është në gjendje të keqe.
TANJA FAJON, EURODEPUTETE
“Duhet t’i lëmë anash këto egoizma si veton bullgare, kjo është për mua tepër egoiste dhe tepër e rrezikshme që një vend ta rrezikoj ardhmërinë e një vendi tjetër. Këto janë vende fqinje që duhet të bashkëpunojnë”.
Ajo shpresoj se Komisioni dhe institucionet e BE-së do ta kuptojnë se zgjerimi është proces jashtëzakonisht i rëndësishëm dhe ajo që ndodh në vitet e fundit është egoiste dhe nacionalizëm i rrezikshëm i cili na ndan.
TANJA FAJON, EURODEPUTETE
“Kryesimi i Sllovenisë së paku deri në fund të këtij viti do të kenë sukses ta bëjnë atë që premtuan dhe do të kenë rezultate dhe kjo vlen edhe për qeveritë e tjera të BE-së dhe nuk varet vetëm prej Qeverisë së Sllovenisë, të hapen negociatat për anëtarësimin e Maqedonisë së Veriut dhe Shqipërinë, por edhe për liberalizimin e vizave të Kosovës dhe të bëjnë disa hapa në negociatat me vendet e tjera të rajonit”.
Sot dhe nesër në Ohër dhe Oteshevë mbahet “Prespa Forum Dialog” i organizuar nga MPJ-ja dhe Qeveria e Maqedonisë së Veriut me rreth 300 pjesëmarrës./SHENJA
