Në koordinim me Komisionin evropian, Greqia do të dërgojë nga 20.000 doza të vaksinave për Maqedoninë e Veriut dhe Shqipërinë, konfirmoi zëdhënësja e Qeverisë greke, Aristotelia Pelloni në brifingun e sotëm të rregullt me gazetarë, duke u përgjigjur në pyetjen e korrespontentes së MIA-s nga Athina.
“Greqia, në koordinim me Komisionin evropian, siç bëjnë shumica e vendeve evropiane për fqinjët e tyre të drejtpërdrejtë, do t’u ofrojë vaksina vendeve fqinje, 20.000 doza për Maqedoninë e Veriut dhe 20.000 doza për Shqipërinë”, tha Pelloni.
Lidhur me atë se kur mund të arrijnë vaksinat, zëdhënësja e Qeverisë greke sqaroi se ekziston procedure e caktuar në nivel teknik në koordinim me Komisionin evropian.
Kryeministri grek, Kiriakos Micotakis para rreth dhjetë ditëve nga Brukseli deklaroi se Greqia po e shqyrton mundësinë për t’I mbështetur vendet fqinje me vaksina, ndërsa ministri I Shëndetësisë, Venko Filipçe të hënën zbuloi se Maqedonia e Veriut pret 70.000 doza të vaksinave, prej të cilave 50.000 nga Bullgaria dhe 20.000 nga Greqia.
