Janë publikuar xhirimet se si u qëllua nga xhipi i zi Roman Bezubov. Po ashtu kamerat e sigurisë regjistruan të gjithë incidentin.
Menaxheri i futbollit Roman Bezubov, u qëllua në rrugë në Riga, që tronditi Letoninë.
Gjithçka ndodhi si në film, një xhip i zi bllokoi automjetin e menaxherit fatkeq, dhe më pas pati disa të shtëna.
Ai ishte një ish-futbollist, i cili luajti për klubet e ligës lokale Daugava dhe Jurmala dhe kishte rreth 140 ndeshje para se të largohet nga loja aktive.
Policia është në kërkim të autorëve dhe është e qartë se bëhet fjalë për një përplasje midis mafisë letoneze të futbollit.
Ministri konfirmoi se ka filluar një hetim në shkallë të gjerë për të zbuluar rrethanat e të shtënave, si dhe për të identifikuar vrasësit.