Në dëgjimin e sotëm para Komitetit për Punë të Jashtme pranë Dhomës Përfaqësuese të Kongresit amerikan, ish sekretarja shtetërore e SHBA-së Medlin Ollbrajt, është përgjigjur pyetjeve nga kongresmenë për politikën amerikane të Ballkanit, përcjell SHENJA. E pyetur për veton që Bullgaria e ka vendosur për Maqedoninë e Veriut për shkak të çështjeve për kombin dhe gjuhën, ajo tha se administrata e re SHBA-së duhet të punojë në këtë çështje.
“Mendoj se është tragjedi e plotë ajo që pas një kohe të gjatë e shpenzuar në zgjidhjen e çështjes se emrit me grekët, bullgarët, për shkaqe të brendshme, kanë vendosur kërkesa të tilla për Maqedoninë e Veriut dhe prandaj duhet të shtrohet pyetja se si Bullgaria i përmbush detyrimet e saja ndaj BE-së”, deklaroi Ollbrajt.
Një ditë më parë 24 eurodeputetë nënshkruan një deklaratë ku i kërkuan Këshillit të BE-së të zhbllokojë integrimin evropian të Maqedonisë dhe Shqipërisë.
