Këto janë fotografitë e fshatit Llopat vetëm 5 kilometra larg qendrës së qytetit të Kumanovës. Banorët e fshatit jetojnë në kushte mesjetare. Fëmijët shkojnë në shkollë duke shkelur nëpër baltë. Mungon edhe rrjeti i kanalizimit dhe ndriçimi publik.
Politikanët këtë vendbanim e kanë vizituar për herë të fundit në fushatë zgjedhore, kur kishin nevojë për vota. Banorët thonë se për shkak të premtimit për rregullimin e rrugëve dhe kanalizimit e votuan masovisht kryetarin aktual Maksim Dimitrievski, por premtimet e tij nuk janë realizuar.
“Kryetari nuk ka qenë asnjë ditë. Na pyeti a më votoni. U bëmë të gjithë bashkë e votuam ndërsa më pas asgjë nuk u realizua”, thotë një banor i fshatit. .
“Vota vijnë e kërkojnë por askush nuk bën asnjë punë këtu. Gjithmonë në baltë”, thotë një banor tjetër i revoltuar.
Banorët shqiptarë thonë se komuna e Kumanovës investon në baza etnike, vetëm në pjesët që banohen kryesisht me maqedonas.
