Omer Ajdini, Kryetar i Forumit Rinor të Aleancës për Shqiptarët ka publikuar një video nga fushata zgjedhore e Bashkimit Demokratik për Integrim. Në video shihet kandidati për “kryeministër shqiptar”, Naser Ziberi dhe premtimet e tij parazgjedhore, përcjell in7. Sipas Ajdinit, kjo video nuk mund të gjendet në faqen zyrtare të partisë së Ahmetit sepse sipas gjitha gjasave, ata e kanë fshirë për t’i mbuluar gjurmët, ose siç thotë Ajdini, për ti fshehur “rrenat” e tyre.
“Këtë video e pata shkarkuar nga faqja zyrtare e BDl-së në Facebook para një kohe. Sot ose unë nuk mund ta gjej atë në faqen e tyre zyrtare ose ata e kanë fshirë sepse nuk duan ta shihni, mirëpo sido që të jetë, ja vlenë ta dëgjoni se sa RRENA i kanë premtuar për 100 ditëshin e parë. Është e domosdoshme që morali të kthehet në politikë dhe rrenacakët të largohen nga ajo”, ka shkruar mbi videon e publikuar, Omer Ajdini./in7.tv/
