Në një aksion policorë në Gostivar, mbrëmë në mesnatë janë konfiskuar 64 pako drogë, të llojit kokainë. Gjatë bastisjes me urdhër të gjykatës, që zgjati rreth dy orë në një banesë në lagjen “Nikolla Parapunov” u kap kjo sasi droge dhe një peshore digjitale, me ç’ rast u prangosën tre persona, dy meshkuj F.H. 31 vjeç, H.N. 48 vjeç dhe një femër E.N. 31 vjeçare, të gjithë nga fshati Banjicë e Poshtme e Gostivarit. Nga SPB-Tetovë thonë se tre të dyshuarit për trafikim droge janë duke u mbajtur në stacionin policorë të Gostivarit dhe pas dokumentimit të rastit nga inspektori dhe prokurori kujdestarë, do të merren masat adekuate./Alsat
