Zyrtarizohet kalendari i kuqezinjëve, e nisin dhe e mbyllin me Bjellorusinë!

Vetëm disa orë pas hedhjes së shortit të edicionit të dytë të Ligës së Kombeve, me Shqipërinë që u shortua në grupin 4 D të Ligës C sëbashku me përfaqësuese të tilla si Bjellorusia, Lituania dhe Kazakistani, Federata Shqiptare e Futbollit ka zbuluar edhe kalendarin e kuqezinjëve. Ndeshjen e parë Shqipëria do ta luajë në transfertë ndaj Bjellorusisë në 4 shtator, më pas do të presë Lituaninë në shtëpi në datë 7 të po atij muaji. Në tetor skuadra e Edi Rejas do të ketë dy transferta ndaj Kazakistanit dhe Lituanisë, ndërsa do të mbyllë gjithçka në nëntor me dy ndeshjet brenda ndaj Kazakistanit dhe Bjellorusisë.

Grupi 4
Ndeshja e parë, 4 Shtator 2020: Bjellorusi-Shqipëri
Ndeshja e dytë, 7 Shtator 2020: Shqipëri-Lituani
Ndeshja e tretë, 10 Tetor 2020: Kazakistan-Shqipëri
Ndeshja e katërt, 13 Tetor 2020: Lituani-Shqipëri
Ndeshja e pestë, 12 Nëntor 2020: Shqipëri-Kazakistan
Ndeshja e gjashtë, 15 Nëntor 2020: Shqipëri-Bjellorusi