Ambasadorët e 31 shteteve të NATO-s kanë vendosur që t’i vazhdojnë edhe për një vit mandatin Sekretarit të Përgjithshëm aktual të Aleancës, Jens Stoltenberg.
Vendimi u mor sot në takimin e Këshillit të Altantiku me konsensus të të gjithë shteteve anëtare të cilët vendosën të shtyjnë mandatin e Stoltenberg në vend të zgjedhjeve për një drejtuëes të ri në një kohë që lufta në Ukrainë vijon.
Stoltenberg, ish-kryeministër i Norvegjisë, ka qenë udhëheqës i Aleancës Transatlantike që nga viti 2014 dhe kjo eshte hera e katert qe mandati i tij shtyhet.
Vendimin e këshillit të Atlantikut të Veriut do ta konfirmojnë edhe liderët e vendeve anëtare në samitin e tyre në Vilnius të Lituanisë.
