Ukraina po përgatitet të eksportojë armë sepse vendi prodhon më shumë sesa u nevojiten forcave të saj të armatosura, tha të martën presidenti ukrainas Volodymyr Zelensky.
“Në disa zona prodhimi, aktualisht kemi deri në 50 përqind kapacitet të tepërt”, tha Zelensky në fjalimin e tij në mbrëmje.
” Eksporti i armëve ukrainase do të bëhet realitet. Ushtria ukrainase do të ketë gjithmonë të drejtën për përparësi dhe furnizim të mjaftueshëm – do të marrë gjithçka që i nevojitet, dhe sasia mbi këtë do të shkojë për eksport.”
Zelensky tha se Ukraina tashmë bashkëpunon me vendet e Lindjes së Mesme, Evropës dhe Kaukazit sipas një formati të veçantë bashkëpunimi të njohur si “marrëveshjet e dronëve”. “Ekziston gjithashtu një propozim për partnerët tanë amerikanë në tryezë”, shtoi ai.Marrëveshja mund të përfshijë eksportin e dronëve, sistemeve mbrojtëse dhe llojeve të tjera të armëve dhe shihet si një mënyrë për të forcuar situatën financiare të vendit.
“Do ta përsëris, kushtet duhet të jenë të dobishme për Ukrainën, duhet të ketë mbikëqyrje të qartë dhe të ardhurat nga eksporti duhet të forcojnë mbrojtjen ukrainase. Kështu do të jetë”, tha Zelensky.
Ukraina ka rritur shumë prodhimin e armëve që kur Rusia nisi pushtimin e saj në shkallë të plotë më shumë se katër vjet më parë.
© SYRI.net
