Rusia lëshoi më shumë se 34,000 raketa drejt Ukrainës gjatë tre muajve të dimrit, tha sot Presidenti ukrainas Volodymyr Zelensky.
“Ukrainasit jetojnë nën mijëra sulme nga Rusia, e cila përdor lloje të ndryshme armësh. Vetëm javën e fundit, Rusia përdori më shumë se 1,720 dronë sulmues, pothuajse 1,300 bomba ajrore të drejtuara dhe më shumë se 100 raketa të llojeve të ndryshme kundër Ukrainës”, shkroi Zelensky në rrjetet sociale.
Presidenti i Ukrainës tha se gjatë tre muajve të dimrit, forcat ruse qëlluan më shumë se 14,670 bomba të drejtuara, 738 raketa dhe pothuajse 19,000 dronë sulmues, kryesisht avionë Shahed të dizajnit ruso-iranian, duke vënë në dukje se të njëjtat dronë tani po përdoren nga Irani në Lindjen e Mesme.
“E keqja duhet të luftohet kudo në botë. Kur Shtetet e Bashkuara të Amerikës dhe partnerët e saj të tregojnë vendosmëri të mjaftueshme, edhe diktatorët më të etur për gjak përfundimisht do të thirren për të dhënë llogari për krimet e tyre”, përfundoi presidenti ukrainas.
© SYRI.net
