Në fjalimin e tij të mbrëmjes, Volodymyr Zelensky u bëri thirrje ukrainasve që të ndihmojnë Forcat e Armatosura dhe të ndihmojnë në mbrojtjen e pozicionit të Ukrainës në arenën ndërkombëtare, shkruan BBC.
“Për të fituar, ne duhet, secili, të përpiqemi për këtë. Të ndihmojmë ushtrinë. Të mbrojmë nevojat e shtetit tonë në të gjitha platformat ndërkombëtare në të cilat keni akses, në komunikim me gazetarë të huaj, edhe vetëm me miqtë dhe të njohurit e tu jashtë vendit”, tha ai.
Ai vuri në dukje se Ukraina po përballet me javë të vështira.
Sipas tij, situata më e keqe e luftimeve sot është në zonën e Donbasit në juglindje të Ukrainës.
“Bakhmut, Popasna, Severodonetsk, në këtë drejtim pushtuesit kanë përqendruar forcat më të mëdha deri më tani. Ata kanë bërë një masakër atje dhe po përpiqen të shkatërrojnë të gjitha gjallesat. Askush nuk e shkatërroi Donbasin siç po bën tani ushtria ruse”, tha presidenti.
“Por ne nuk kemi alternativë veçse të luftojmë. Të luftojmë dhe të fitojmë. Të çlirojmë tokën dhe popullin tonë. Sepse pushtuesit duan të na marrin jo vetëm diçka, por gjithçka që kemi. Përfshirë të drejtën e jetës për ukrainasit.” tha Zelensky.
