Presidenti i Ukrainës, Volodymyr Zelensky, invazionin rus në shtetin e tij e ka krahasuar me Luftën e Dytë Botërore.
Zelensky, për pushtimin rus tha se ai nuk është një operacion ushtarak, por është një luftë në shkallë të gjerë, që sipas tij, synon shkatërrimin e popullit ukrainas.
Ai tha se Rusia po synon shkatërrimin e fëmijëve, familjeve, shtetësisë, qyteteve e gjithçka që i bën ata ukrainas, shkruan BBC, transmeton Klankosova.tv
“Kjo është arsyeja pse unë kam të drejtë të bëj këtë paralele në histori me luftën tonë për mbijetesë dhe Luftën e Dytë Botërore”, është shprehur Zelensky, transmeton Klankosova.tv.
Pushtimi rus mbi Ukrainën ka hyrë në javën e katërt, prej se kur ai nisi më 24 shkurt.
